Posts

Showing posts from May, 2023

445. TEI NĨ WAKU MWĨAĨI

(According to thy gracious word) 1. Tei nĩ waku Mwĩaĩi Nyie nĩnĩlũmĩtye; Nĩ watho waku mũseo,   Nĩngũlilikana.  2. Mwĩĩ nĩ kwondũ wakwa mwene Nĩwaiiwe nthĩ; Kũtwĩka mũkate wakwa,  Nĩngũlilikana.  3. Nthakame yaku ya vata,  ĩla yetĩkie; Ngelan’yonĩ Kaivalĩ,  Nĩngũlilikana.  4. Nditonya kũlwa nĩ ũndũ We wathĩnĩkie; Makũnwa, yuutĩa, na waũni,  Nĩngũlilikana.  5. Nayu nyie nĩna wĩkwatyo Nyie natangĩiwe Yĩla we ũkasyoka nthĩ,  Nũkandilikana.   (Amen)

446. WASYA NĨWEEW’ĨKIE

(A voice was heard at aden) 1. Wasya nĩweew’ĩkie mũũndanĩ Eteni,  Yĩla asyai ma mbeenĩ meekĩie mũtwaano,  O ta ũu nĩtũkwĩw’a ĩvinda yĩĩ nayo,  Mĩtwaano yaitũ yĩthwe ya kũmũtaĩa Ngai.  Ĩĩ ĩĩ ĩĩ ĩĩ ĩĩ ĩĩ ĩĩ ĩĩ ĩĩ ĩĩ ĩĩ ĩĩ 2. Ngai mwene vinya w’onthe, twĩ maũũnĩ maku,  Mane ũathimo musũu ana aya maku; Mũũme ũyũ na mũka me mbee waku yu,  Neue makwatanĩthye methwe me ũmwe vyũ.  3. Mendane myũnthĩ yonthe methwe ma kũĩkĩĩwa,  Wĩkalo woo w’onthe wĩthwe wa ũtanu; Kĩla ũmwe asũvĩe ũla ũngĩ mũno,  Maũndũ moo ma mũsyĩ meke vamwe naku.  4. Nthĩnĩ wa mũtwaano naitũ nĩtũkwona,  ũndũ wa kĩmbithĩ kya Yesũ na ĩkanisa; Mbee wa kwĩyenda mwene nĩwayendie mbee Namo mendane o ta ũu onthe matwaanĩte.  5. Aya elĩ Mwĩaĩi maathime mũno,  Mane kwĩthwa na syana methwe na ũtanu; Mũũme ũyũ na mũka syana syoo nasyo,  Manenge kũthi na mbee kũvika ĩtunĩ.  (Amen)

447. TWĨKŨTAĨA MWĨAĨI

(We praise the Lord) 1. Twĩkũtaĩa Mwĩaĩi Mũtwaanonĩ ũyũ,  Ithyĩ twĩ vo; Tũtanei ithyonthe,  Matwĩkĩthwa ũmwe,  Mũsyĩ mweũ woombĩka Ngai nataĩwe.  2. Nĩmeanĩsya watho,  Matwaana ũmũnthĩ; Ndaĩa kwa Ngai,  Mekalae na mũuo,  Mavinda moo onthe,  ũmaathime mũno,  Ame Mwĩaĩi.  3. Ngai twĩvoya mũno,  Nũndũ wa aa elĩ,  Me mbee waku; Vaikethwe kũleana; Katĩ woo me elĩ,  Methwe makyendana Myũnthĩ yonthe.  4. Kĩveti kĩnyivye,  Tondũ kũandĩkĩtwe,  Maandĩkonĩ,  Mũũme nĩwe mũtwe; Wa kĩveti kyake,  Kĩmwĩnyivĩasye; Myũnthĩ yonthe.  5. Aa elĩ Mwĩaĩi,  Mekalae na mũuo,  ũ maathime; Na methwe na syana,  Syĩthĩwe syĩ mbaĩlu,  Ikũtaĩae Mwĩaĩi Na ngoo syonthe.  (Amen)

448. MWĨAĨI WA ĨTUNĨ

(Heavenly father) 1. We Mwĩaĩi wa ĩtunĩ,  ũsyĩwe mboya sitũ; Kũũ nthĩ ĩno kwĩ mathĩna,  ĩthwa vamwe na a maku.  2. Aa me mbee waku Mwĩaĩi,  Na mbee wa ĩkanisa; Meanĩĩsye ndeto syaku,  Nĩmakomana oyu.  3. O ta Yesũ na ĩkanisa,  Nĩmethĩwe me ũmwe; Andũ aa ũkwatanĩthye,  Methwe me ũmwe oyu.  4. Matethye mavinda onthe Maathĩme me nyũmbanĩ Manenge mũuo mwingĩ Yĩla mo me kũkũ nthĩ.  5. ũmaathime ame Mwĩaĩi,  Andũ aa maku elĩ; Mane mĩthĩnzĩo ya syana,  ũmatanĩthye mũno.  6. Matukũ onthe me kũũ nthĩ,  Yĩla makavĩtũka; Mane ũtiĩĩwa ĩtunĩ,  ũla ũtakathela.  (Amen)

449. NGAI WA WENDO ŨLA MWĨANĨU

(O perfect love all human though) 1. Ngai wa wendo ũla mwĩanĩu,  ũvĩtĩte ũmanyi wa andũ; Nĩtũkwĩnyivya maũũnĩ maku,  ũmaathime endwa maitũ.  Ame we wendo ũla ũtathimĩka,  Twĩmavoyea maũũnĩ maku; Manenge wendo ũla ũtanyivaa,  Aa meũtwaana mbee waku.  2. Ame Ngai we wĩ wa vata mũno,  Wa kũĩkĩĩwa na wakwĩkwatw’a Mane wũmĩĩsyo yĩla me kũkũ nthĩ,  Matikakĩe mathĩna nongi.  3. Mane ũtanu ũla wa ũtonya,  Kwĩkĩa kyeni va ve kĩvindu; Mane mũuo ũla wumaa kwaku,  Nthĩnĩ wa mathĩna ma kũkũ nthĩ.  4. Matethanasye yĩla me kũkũ nthĩ,  Mĩkalo yoo ya mavinda onthe; Na mũminĩo mo makoka kwaku,  Matane ũtanu ũtathela.  (Amen)

450. KOMA MWENDWA

(Sleep on, beloved sleep and take thy rest) 1. Koma mwendwa ũkome na ũvoo,  Twaia mũtwe mbee wa Mũtũtangĩĩi.  Koma mwendwa nthĩnĩ wa Mwovosya Koma, koma na ũvoo.  2. Nayũ mwendwa nĩtũnamwendete; ĩndĩ Mwĩaĩi anamwendete mbee,  Mwĩaĩi e na wendo mwingĩ kwake; Koma, koma na ũvoo.  3. Tondũ wakoma ta kana kaseo.  Ndũkaamũka mathĩnanĩ ĩngĩ ũkethĩwa o ta Mwĩaĩi.  Koma, koma na ũvoo.  4. Ve mũthenya ũmwe ũkaumĩla,  Makaamũka ala makomie,  Makaumĩla vamwe na Mwĩaĩi,  Koma koma na ũvoo.  5. Nayu mwendwa akyũmĩla ĩngĩ,  Akeethĩwa avwanene nake Akeethĩwa o ta Mwĩaĩi,  Koma, koma na ũvoo.  6. Tũkoonana ĩvinda yũkĩte,  Mwĩaĩi akamesĩa ala make; Tũkaumĩla mbee wa Mwĩaĩi Koma, koma na ũvoo.  7. Mbee wa Mwĩaĩi tũkoonana ĩngĩ Twĩkĩĩte ngũa ikũtisatisa.  Tũkeethĩwa o ta Mwĩaĩi,  Koma, koma na ũvoo.  (Amen)

451. WĨKALO MŨSEO

(How firm a foundation) 1. Wĩkalo mũseo, ithyĩ andũ ma Yesũ,  Nĩ ũla wakĩtwe nĩ wendo wa Ngai; Akongela ata, kwĩ ũla ũtwonetye,  O ithyĩ etĩkĩli, o ithyĩ etĩkĩli,  O ithyĩ etĩkĩli ma matho make? 2. Mũtĩkateteme, ninyĩe ngekala nenyu,  Ninyĩe Ngai wĩ vinya, ngamũtethasya; Ngamwĩkĩa vinya wa kũmalũngalasya Maũndũ menyu onthe, maũndũ menyu onthe,  Maũndũ menyu onthe, o kũndũ kw’onthe.  3. O na mũkĩenda katĩ wa woo n’ũtatwa,  Mũtĩkolwe n’ĩla ndeto sya matho,  Nĩ nenyu, an’Asa, na nĩngũmũsũvĩa,  Na nĩngũmasonokya, na nĩngũmasonokya.  Na nĩngũmasonokya amaitha onthe.  4. Mweevitha kwa Yesũ nĩmũsũvĩwa nĩwe.  Na ndakamũtia kĩvindunĩ nongi: Mũndũ ũla wĩsĩ Ngai waitũ ũla waw’o E thayũ ũtathela, e thayũ ũtathelaa,  E thayũ ũtathelaa na ũtanu.  (Amen)

452. NĨKWATYA TŨKOONANĨA ŨTHEUNĨ

(I hope to meet all in glory) 1. Nĩkwatya tũkoonanĩa ũtheunĩ,  Twamina wĩa kũũ nthĩ,  Nĩtũkatanĩa ũtheunĩ,  Mũinganĩsyo wa ũsĩ.  Twainga ũsĩ ũla wa kĩkw’ũ.  Tũithi kwa Asa mũsyĩ mũtheu.  Nĩĩkwatya ngakwona,  Nĩĩkwatya ngakwona.  Twĩkĩĩte ngovia sya ũsumbĩ.  2. Nĩkwatya ngakwona ũtheunĩ,  Mũtĩnĩ wa thayũ,  Tũkamũkatha Mũtũtangĩĩi,  Kwa ĩnee na tei wake.  3. Nĩkwatya ũkwona ũtheunĩ,  Tũkyosa mĩthĩnzĩo.  Tũkyosa ngovia sy’ũsumbĩ,  Tũsumbĩke na Mwĩaĩi.  4. Nĩkwatya ũkwona ũtheunĩ,  Twamina wĩa kũũ nthĩ,  Tũkaina vo na ũtanu,  Tene na tene w’onthe.  (Amen)

453. ANYANYAWA MAITŨ

(Our friends on earth we meet) 1. Anyanyawa maitũ kũkũ nthĩ,  Twĩkalaa na ũtanu,  ĩndĩ kwĩ kĩmako,  Yĩla twatiwa nũmwe waitũ Tũtikataanĩsya ĩũlũ,  Tũtikataanĩsya,  Nthĩ ya wendo na ũtanu,  Tũtikataanĩsya.  2. Kwĩ ũtanu yĩla amwe,  Mamina wĩa woo kũũ nthĩ,  Nĩmathũmũaa na,  Kwĩkalaa tene ona tene.  3. Kũikethĩwa kũtaanĩsya,  Yĩla tũkathi ĩtunĩ,  No mbathi sya ndaĩa,  Ikainwa sya kũkumya Mwĩaĩi.  4. Twĩna endwa maitũ Kũkũ nthĩ nĩtũtanaa mũno,  ĩndĩ vinya wa satani,  Nũtũthokoanasya.  (Amen)

454. NINGŨTULYA NDU KWAKU YESŨ

(Till he comes) 1. Nĩngũtulya ndu kwaku, Yesũ; Nue Mwovosya wa andũ,  Na nĩngwĩnama mbee wa wendo,  Wambetee thayũ, mwathe nyie,  Nĩnaeka kwĩsisya mwene.  Nĩsisye we, Mwĩaĩi Yesũ.  2. Nĩngwona nũmbendete mũno,  Nĩngwona nũkũmantha nyĩe,  O nakwa ngyona wendo ta ũũ,  Nĩngwĩw’a wendo ngwende we Mwĩaĩi Yesũ, wĩ mũyo wakwa,  We, nue wakwa, nakwa waku.  3. Nakwa nĩnĩsĩ we wĩ weka,  Wĩ mwendwa wakwa, mwene ĩnee Na vandũ vakwa tivo kũũ nthĩ,  Kĩtindo kyakwa nĩ kwaku; Kũu kwĩ ũvoo, na kũũ kwĩ mũyo ũndũ wa ũu ngekala kwaku.  4. Na thayũ wakwa kũũ na kũya Nĩ waku w’oka, mwene ĩnee,  Nĩwathi kũkw’a nũndũ wakwa,  Wambĩtĩthye wanangĩko.  Nĩngũũtaĩa tene na tene,  Na nĩngũũtũngĩa mũvea.  (Amen)

455. KŨŨ KWĨ ŨVOO?

(Peace. Perfect peace) 1. Kũũ kwĩ ũvoo, kĩvindu kĩ na woo? Yesũ kwa nthakame aetie ũvoo! Kũũ kwĩ ũvoo, maũndũ me mĩnoo? Tũkĩendan'ya na Yesũ twĩ n'ũvoo! 2. Kũũ kwĩ ũvoo twĩlingĩlwe nĩ naĩ? Wĩkalonĩ kwa Yesũ vati thĩna.   3. Kũũ kwĩ ũvoo, twataanĩsya na ndũũ? Yesũ Klĩsto mwene nũtũsũvĩaa.  4. Kũũ kwĩ ũvoo, tũtesĩ ũndũ mbee Nĩtwĩsĩ Yesũ, nĩwe Mũtũtongoĩ 5. Kũũ kwĩ ũvoo, kĩkw’ũ kũũ kw'onthe? Yesũ nĩwakĩlilye kĩkw'ũ vinya.  6. Ũu wĩanou, mathĩna mathela Yesũ akeeta a make ĩũlũ! (Amen)

456. ATHEU MA NGAI

(Beyond the swelling flood) 1. Atheu ma Ngai mũnyuvĩtwe,  Tũkakomana mũingo; Vala tũtakethwa na woo; Tũtĩkataanĩsya nongi mũingo wa ũsĩ.  Mũingo wa ũsĩ tũtikataanĩsya,  Mũingo wa ũsĩ tũtikataanĩsya.  2. Vate w’ia wa kũkeethwa ata,  Nĩna mũĩkĩĩo mũlũmu,  Nĩngew’a wasya wake.  Na nĩngavyaĩwa methoi vyũ mũingo wa ũsĩ.  3. Yĩla atheu twĩkomanĩa kũu,  Kũkeethwa ũtanu mwingĩ; Tũkina vamwe na alaĩka,  Mũsyĩ wa thaavu mũtheu vyũ mũingo wa ũsĩ.  4. We Ngai nzũvĩe nzĩanĩ yakwa,  Nĩthĩwe na ũtanu mwingĩ,  Nĩkalae ngĩkũkatha; Nũndũ wa wendo waku Ngai mũingo wa ũsĩ.  (Amen)

457. TWĨTAANĨSYA NAKE MWENDWA

(Yes, we part, but not forever) 1. Twĩtaanĩsya nake mwendwa Ti ta kũtaanĩsya vyũ Ala mamwendete Yesũ,  Matikataanĩsya vyũ Nĩmaketha vamwe nake,  ũtanunĩ wa ĩtunĩ.  2. Ũtanu wa kũkomana,  N’ũtanu ũtaweteka ũtanu ũsu kũtingwa ĩvinda yĩĩ twĩnayo; Nĩ tũkamwona Mwĩaĩi Vamwe na ala twendete.  3. Motanu ala ma kũũ nthĩ.  Nĩ ma ĩvinda ĩnini; Matikalikwe thayũnĩ,  Na nĩtũtonya kwasya; Motanu ala ma ĩtunĩ.  Nĩ maseo mũno mbee.  4. Na nĩtwataanĩsya oyu Na mwendwa kwa methoi.  Ĩndĩ twĩ na mũĩkĩĩo Nĩtũkamwona Mwĩaĩi.  Vamwe namo kũu ĩtunĩ,  Ala endwa ma Yesũ.  5. Ame asa wa ĩtunĩ,  Twĩkũtaĩa mũno vyũ; Nũndũ wa wĩkwatyo ũsu,  Wa kwĩthwa vamwe ĩngĩ; Endwa maitũ me kũkũ nthĩ Tũkoonana ĩtunĩ.  (Amen)

458. YESŨ MŨĨTHI MŨSEO

(Gentle shepherd thou hast stilled) 1. Yesũ mũĩthi mũseo,  Nĩtwĩsĩ nĩ wendo waku; Mwana ũyũ tũmwendete,  Nũmwosie kuma kwitũ; Ndakona mathĩna ĩngĩ,  Kana mawoo kũu ĩtunĩ.  2. Kũũ nthĩ ĩno twĩkalĩte,  Nĩya methoi na mathĩna Yu e ũseonĩ ĩtunĩ.  Vamwe na ala makwendete; Onthe nĩmathũmũĩte,  Na ũtanu mũnene.  3. Naku mũnyanyae wasisye,  Nokwĩthwa wĩtano waku; Wĩ vakuvĩ wĩyũmban’ye Wĩthwe ũmweteele Yesũ Kwa ũtanu ũmwĩtĩke,  Mbosa nyie nĩ mwana waku (Amen)

459. NĨTŨSENG’AA YĨLA TWATATWA

(Tempted and tried) 1. Nĩtũseng’aa yĩla twatatwa Kĩla ĩvinda myũnthĩ yonthe,  Yĩla kwĩ amwe twĩkalanasya; Mate kũthĩnĩa eki ma naĩ.  Asa we mwene nũkamanya,  Asa we mwene nũkamanya,  Thangaai anaasa mwĩthwe kyeninĩ Nĩtũkamanya maũndũ onthe.  2. Yĩla kĩkw’ũ kyoosa amwe maitũ,  Tũtiawa na kyeva ngoonĩ; Na tũkĩseng’a amwe makĩthi,  Na kũtũtia myaka na myaka.  3. Yesũ akw’iie twĩthwe na thayũ.  No kavinda kanini oke,  Thĩna wa nthĩ ĩno ũkathela vyũ,  Yĩla twĩvika mũsyĩ kwake.  4. Yĩla twĩmwona Mwĩaĩi okĩte.  Kuma mũsyĩ wake ĩtunĩ; Tũkamũthaũa ũtheunĩ wake, .  Nĩtũkamanya maũndũ onthe.  (Amen)

460. MĨTHENYA NĨNĨŨTHELA OYU

(Days and moments quickly flying) 1. Mĩthenya nĩnĩũthela oyu.  Tũtyĩsĩ tw’ĩkw’a ĩndĩĩ: Oyũ mĩĩ yaitũ nĩnĩũlingwa Na kĩtanda kĩtheke.  Mĩthenya yĩthela mĩtũkĩ Tũtethye Mwĩaĩi Yesũ; Twĩ kũkũ nthĩ kana twĩ akw'ũ,  Twĩ maku vate nzika.  2. Yesũ Mwovosya waw’o mũseo,  Mũmbi wa mĩĩ ĩno; Ũtũmanyĩsye tũmanye yu Nzĩa ntheu ĩkwaĩle.  3. Sisya kyuu ũndũ kĩvĩtaa,  Thayũ witũ no ta ũu; O tondũ myaka ĩkũthela,  Naitũ twĩuma kũũ ta ũu.  4. Twĩthĩwe na ũĩ mũnene,  Tũĩkakĩlwe nĩ mwĩĩ; Tũĩkethwe atulu wĩanĩ,  Nũndũ nĩtũkaatuvwa.  5. Yesũ Mwovosya waw’o mũseo,  Mate akw’ũ mathayũũke,  Maamũkye ala makomete,  Tũkũkathe twĩ ithyonthe.  6. Tũkilyĩ kũũngama silanĩ,  Vamwe na ala makwĩĩe; Nũndũ Mwovosya asindie kĩkw'ũ,  Twĩkale kw'oko kwa aũme.  (Amen)

461. AME VEVA ŨTŨNENGAE KYENI

(O though who amakest souls shine) 1. Ame Veva ũtũnengae kyenĩ ithyĩ ala tũkũthũkũma Mũvea nũndũ wa ala meũkũmantha Masame wendo wa Mũtangĩĩi 2. Ũtũathime ithyĩ amanyĩsya Onaĩtũ yĩla tũũmanyĩsya Twĩthĩwe na ũtheu ũsu waku Nĩw'o kyeni kyaku kya ũmulĩka 3. Tũkĩmanyĩsya tũne ngoo ntheu Tũnenge wũĩ tũnenge wĩkwatyo Na ũkũmbaũ wa mavĩnda onthe na wendo na mũĩkĩĩo mwingĩ 4. Manenge amanyĩw'a o ta ũu matũ maseo mew'e ndeto syaku Veva wa wĩnyĩvyo methukĩĩsye Nĩ kana mose ũthwii ũla waw'o 4. Ũmaathĩme aĩthĩ onthe Ona malondu ala moo onthe Methwe na mũĩkĩĩo kũndũ Kwonthe Asũvĩi na ala meũsũvĩwa 5. Tũathime Mwĩaĩi ithyonthe Tũthũkũme yĩla twĩ kũkũ nthĩ mũvaka wĩa witũ ũthele Tũthũmũe kwaku ĩtunĩ (Amen)

462. NGAI NUE WATW'ĨKĨTHISYE

1. Ngai nue watw’ĩkĩthisye nthĩ ĩno.  Na weekĩie mĩvaka yayo,  Syũmbe syonthe i syĩ nthĩnĩ wayo; Yeova nue watw’ĩkĩthisye,  ĩtina wa kwĩtw’ĩkĩthya syonthe,  Nĩwoonie kwaĩle mũndũ,  Ethĩwe e mũsũmbĩki wasyo: Syonthe ila waĩtw’ĩkĩthisye.  2. Twĩna mũvea kwaku Yeova Nũndũ wa kũtũnenga ũsumbĩ; Kwĩsumbĩka nthĩ ĩno yaitũ,  ĩla nue watũnengie yo; Nũndũ woonie yo ĩtwaĩle,  Wamĩvakan’ya yĩthwe yaitũ; Na wamĩkĩa ũthwii mwingĩ,  Wa mĩthemba yonthe kwondũ witũ 3. Nĩtũũkũvoya ame Yeova,  Kwondũ wa Mũtongoi wa nthĩ ĩno; ũla ũmwiĩte mbee waitũ,  Mũathime mũno ame Yeova; Mwongele ũĩ o na ũmanyi,  Mũnenge ũmĩĩsyo mũnene; Nĩ kana atongoesye andũ,  Ethwe na wendo kwa andũ onthe.  4. Mwongele ĩvinda ya thayũ kũũ nthĩ,  Eanĩsye ũthũkũmi w’onthe,  ũla nĩ w’o we wamũnyuvĩĩe,  Ethĩwe Mũtongoi waitũ,  Mũnenge ũthwĩĩ ndakanyivĩwe,  Nĩ syonthe ila sya kũmwaĩla; Na ndakolwe nĩ ũkwĩnyivĩsya,  Ame Yeova mũtongoeasye....

463. NATIONAL ANTHEM

(National Anthem) 1. O God of all creation Bless this our land and nation.  Justice be our shield and defender; May we dwell in unity,  Peace and liberty; Plenty be found within our borders.  2. Let one and all arise,  With hearts both strong and true,  Service be our earnest endeavour,  And our homeland of Kenya Heritage of splendour,  Firm may we stand to defend.  3. Let all with one accord,  In common bond united,  Build this our nation together,  And the glory of Kenya The fruit of our labour,  Fill every heart with thanks giving.  (Amen)

464. ITHYĨ TWĨ TWANA TŨNINI MŨNO

                                                         ITHYĨ TWĨ TWANA TŨNINI MŨNO (We are little children) 1. Ithyĩ twĩ twana tũnini mũno,  ĩndĩ tũikwata ndeto ya Mwĩaĩi.  Na tũkĩmũmantha oyu twĩ syana: Tũkatwĩka anyanyae we nũneenete.   2. Anyanyae ma Yesũ tũtanei mũno,  Nĩmawatho make me ĩvukunĩ.  3. Twatwĩka anyanyae nĩtũkaenda Nake myũnthĩ yonthe nũtũsũvĩa.  4. Ngoonĩ nĩtũmwende tũmwende mũno,  Na nĩtũkaenda kwake ĩtunĩ.  (Amen)

465. NGAI NŨMBŨMBĨTE

(Jesus bids us shine) 1. Ngai nũmbũmbĩte Mwĩĩ mũseo mbee,  Kũte syũmbe syonthe Kũkũ nthĩ kw’onthe; Nũmbĩkĩte nesa,  Nĩ kana kake; Vamwe na ngoo yakwa,  Namũne mwĩĩ.  2. Nĩnaumbũla ũndũ naĩ mwathe,  Yesũ namũvoya Ĩ ngoo ĩthambw’e: Yu embĩtya mwanya Aũngyĩ ũtee.  Nyũmba yakwa n’ĩsu ũthei w’onthe.  3. Ngoonĩ na kwa mwĩĩ Yĩla nĩ kũũ nthĩ Akĩnenga ũthei Nĩngũmwendeesyaa; Kwona kwĩw’a kwĩka,  Kũmũtaĩaa.  Kw’onthe nĩ kwa Yesũ,  Mwendwa wakwa (Amen)

466. YESŨ NĨ MŨĨTHI

(Jesus is our shepherd) 1. Andũ nĩmailyĩ Ta malondu mau,  Mate na mũĩthi Wa mathayũ moo.  Yesũ nĩ mũĩthi Wa thayũ wakwa,  Nĩngũmwĩtĩkĩla Nĩkalae nesa.   2. Mũndũ mwathe ĩw’a ũvoo wa Yesũ; Akw’ĩie mũtĩnĩ Nũndũ wa andũ.  3. Ĩĩ, mbon’ya Mũĩthi,  Ndavya vala ũĩ,  ũtonya ũnzũvĩaa Mĩthenya yonthe.   4. Ngai, ndethya ũmũnthĩ Ndĩkatukĩwe; Ndonye kwĩtĩkĩla Yesũ Mũtangĩĩi.  (Amen)

467. MBATHI SYAĨLWE KWINWA NĨ SYANA ŨKAI ANDŨ TWINEI

(Come children, join to sing) 1. Ũkai, andũ (Syana), twinei ũũ,  Alelũya! Amen! Tũmũnenevyei Yesũ.  Alelũya! Amen! Tũmũkathei oyu tũi,  Yesũ nĩ Mũtũtangĩĩi,  Nĩwatũkw’ĩĩe ithyĩ,  Alelũya! Amen! 2. Twinei yu na ngoo sitũ,  Alelũya! Ameni! ũvoo nũvikĩte kũũ,  Alelũya! Ameni! Yesũ nĩ mũtũsũvĩi,  Nake nĩ Mũtũtangĩĩi,  Na nowe mũseo ki! Alelũya’ Ameni! 3. O na ĩngĩ, kwatai ũũ,  Alelũya! Ameni! Nũtwĩkalasya thayũ; Alelũya! Ameni! Yu nĩ tũkwina mũno Nũndũ wa mũuo wa ngoo,  Nĩtũkwatĩte ũvoo,  Alelũya! Ameni! (Amen)

468. ĨVINDA YA TENE SYANA SYATWAĨWE YESŨ

1. Ĩvinda ya tene syana syatwaĩwe Yesũ,  Amanyĩw’a make mendie kwilũngya syonthe,  Na mbee wa itanauma, Yesũ aneena mĩtũkĩ,  Syana nini syonthe nĩsyũke kwakwa.  2. Nĩngũsyĩtĩkĩla, nakwa Ngaisũvĩa,  Nĩ Mũĩthi ũsyendete, mũtĩkailũngye,  Ikĩmbenda na ngoo syonthe Ngaivikya kwakwa ĩtunĩ,  Syana nini syonthe nĩsyũke kwakwa.  3. Mwĩaĩi mũseo nũsyendete isyana,  ĩndĩ kwĩ andũ aingĩ ala matamwĩsĩ,  Mateũmanya ũvoo ũũ, kana ndeto imwe syake,  Syana nini syonthe nĩsyũke kwakwa.  4. Na mbaĩ syonthe sya nthĩ na andũ masyo,  Moke kwakwa Yesũ kana mavete Mĩvwanano. 

469. NGAI TWĨNŨKYE

(Lord dismiss us with thy blessing) 1. Ngai twĩnũkye na ũathimo,  Wusũe ngoo sya ithyonthe, ’ Tũsũvĩe na wendo waku,  Tũtethye na tei waku,  Ngai tũathime, ĩĩ tũathime,  Tũkĩĩkala thayũ ũũ.  2. Nĩtũũkatha asa waitũ,  Nũndũ wa ndeto syaku,  Syĩthwe sya kũtũtethya,  Ngoonĩ na mathayũnĩ,  Ngai tũathime, ĩĩ tũathime,  Twĩkalae w’onĩ waku.  3. Na twamina wĩa vaa nthĩ Tũke kwaku ĩtunĩ,  Vala tukekala naku,  Tene na tene w’onthe,  Na ũtanu ũsumbĩnĩ,  Twĩna Yesũ Mũtũtangĩĩi (Amen)